| 在此向所有四川救援人員致敬, 佢地無私既精神, 令我每次睇新聞, 都會眼有淚光. 
雖然自己唔太喜歡曼聯, 但佢地今季既表現真係四平八穩, 實在有王者既氣勢. 佢地奪冠無可否認係實至名歸. 自己考完final即刻趕去睇半場, 好在今次打到加時, 最後仲有十二碼. 終於可以外國睇到歐聯決賽, 一邊睇時, 回憶香港同班朋友一齊 睇, 我地永遠叫得好激動, 特別係十二碼. 今次十二碼又係緊張刺激, 感受到由天 堂趺落地獄既九死一生, 再由地獄回歸既死灰復燃, 再一次證明"波係圓既"道理, 未 打到最後, 都未知結果. 睇到自己不自覺叫出聲, 其實周圍睇波既人都好激動. 雖然 結果令多人失望, 但仍然睇到奈人尋味. 林伯特入球, 雙指指向天, 雙目流淚, 用入球 向已離開自己母親證明, 自己有努力創造奇蹟, 車路士關鍵時候竟然棄用關鍵球員, 一名歐聯經驗豐富而十二碼能手既球員, 無奈只有坐後備席, 證明用人不當, 將私人 恩怨放入關鍵時候, 臨陣易帥, 牌面已經輸得一半. c. 朗拿度射失十二碼, 本來比人 感覺佢射十二碼係十拿九穩, 每次入球之後, 都會表現得囂張. 一個球員相信佢自己 既能力, 認為自己能力就係一切. 不過都要經過錯誤既洗禮, 甚至導致球隊直接落敗, 好在有一班隊友支持, 當c朗射失之後, 我嘆氣講左句"成也c. 朗, 敗也c. 朗". 奪冠後, 佢 躺地痛哭, 今次失而復得後, 佢又成長. 今季又過完, 由一場扣人心弘既比賽作為總結. 今日終於final完, 成績自有分曉. 心情好似過山車一樣, 每日有喜有悲, 全靠每個朋友 打氣支持, 唔係就無能力捱到3日訓6個鐘. 經過final期間, 終於知道誰是真正知己. 口中 係知己, 實際如陌生人, 只可以嘆氣, 無計可施. 一切隨緣, 不可強求. 莫記此中得失, 不記 愛相纏, 只記共你當年, 曾經相識過. |
