| 懷念08 展望09睇完個自己個TITLE, 好似覺得我發表緊施政報告. 08年令我有好多難忘既回憶. 胡胡塗塗渡過spring sem, 充充實實捱過fall sem. 有幸我可以SUMMER 返左香港, 睇到北京奧運, 可惜睇唔到北京奧運閉幕, 不過總算不枉此行. 我帶住期望同活力去到 FALL SEM, 希望幫自己洗去頹風. 無奈上天總會從你身上帶走完美, 然後放一點遺憾你身上. 不只 係一點, 可能係終生. 有一日既數學測驗, 突然收到個噩耗, 知道自己祖母過世, 當時自己有如跌入冰 窖, 感覺身體好寒冷, KATY不停叫我, 我完全聽唔到. 為何自己會身在美國? 為何自己無能力改變事 實? 我真係氣餒, 真係氣餒. 自己辛苦差唔多一個SEM, 點知連自己親人都睇唔到自己既成績, 試問 我仍有動力???? 我喊出黎, 除左喊, 我無其他野做. 當時我真係想放棄, 即使我考入出名既大學又如 何, 最後仍然土歸土. 若然有一個學位, 我寧願換返一個親人. 心情起伏不定, 10月尾返到香港辦理後 事, 時間緊迫, 但仍然可以抽空去兩個約會, 一次大埔一次沙田. 收拾心情, 帶住悲痛心情返美國. 以 前返香港時, 因為太多約會, 每次都推左與祖母飲茶既機會, 總會覺得明日仍有機會, 現在只有一個 人. 辛苦埋最後兩個月, 完成份PERSONAL STATEMENT, 考完最後一科英文, 輕輕鬆鬆返香港過聖誕. 因為大埔間屋已經無人住, 所以決定租出去. 今次應該係最後機會入到呢間屋. 每次我獨自返去執屋, 總會回憶呢個成長地方, 不自覺喊出黎. 續待..... |
